[Edited with sandhi removed and paragraphs following Olivelle's English translation.]

Māṇḍūkya-Upaniṣad

¹Om iti etat akṣaram idam sarvam. Tasya upavyākhyānam. Bhūtam bhavat bhaviṣyat iti sarvam oṅkāraḥ eva. Yat ca anyat trikālātītam tat api oṅkāraḥ eva. ²Sarvam hi etat brahma. Ayam ātmā brahma. Saḥ ayam ātmā catuṣpāt.

³Jāgaritasthānaḥ bahiḥprajñaḥ saptāṅgaḥ ekonaviṃśatimukhaḥ sthūlabhuk vaiśvānaraḥ prathamaḥ pādaḥ.

⁴Svapnasthānaḥ antaḥprajñaḥ saptāṅgaḥ ekonaviṃśatimukhaḥ pravivikta-bhuk taijasaḥ dvitīyaḥ pādaḥ.

⁵Yatra suptaḥ na kañcana kāmam kāmayate na kañcana svapnam paśyati tat suṣuptam. Suṣuptasthānaḥ ekībhūtaḥ prajñānaghanaḥ eva ānandamayaḥ hi ānandabhuk cetomukhaḥ prājñaḥ tṛtīyaḥ pādaḥ. ⁶Eṣaḥ sarveśvaraḥ. Eṣaḥ sarva-jñaḥ. Eṣaḥ antaryāmī. Eṣaḥ yoniḥ sarvasya. Prabhavāpyayau hi bhūtānām.

⁷Na antaḥprajñam na bahiḥprajñam na ubhayataḥprajñam na prajñāna-ghanam na prajñam na aprajñam. Adṛṣṭam avyavahāryam agrāhyam alakṣaṇam acintyam avyapadeśyam ekātmapratyayasāram prapañcopaśamam śāntam śivam advaitam caturtham manyante. Saḥ ātmā. Saḥ vijñeyaḥ.

⁸Saḥ ayam ātmā adhyakṣaram oṅkāraḥ. Adhimātram pādāḥ mātrāḥ mātrāḥ ca pādāḥ akāraḥ ukāraḥ makāraḥ iti.

⁹Jāgaritasthānaḥ vaiśvānaraḥ akāraḥ prathamā mātrā āpteḥ ādimattvāt vā. Āpnoti ha vai sarvān kāmān ādiḥ ca bhavati.

¹⁰Svapnasthānaḥ taijasaḥ ukāraḥ dvitīyā mātrā utkarṣāt ubhayatvāt va. Utkarṣati ha vai jñānasantatim. Samānaḥ ca bhavati. Na asya abrahmavit kule bhavati yaḥ evam veda.

¹¹Suṣuptasthānaḥ prājñaḥ makāraḥ tṛtīyā mātrā miteḥ apīteḥ vā. Minoti ha vai idam sarvam apītiḥ ca bhavati yaḥ evam veda.

¹²Amātraḥ caturthaḥ avyavahāryaḥ prapañcopaśamaḥ śivaḥ advaitaḥ. Evam oṅkāraḥ ātmā eva. Saṃviśati ātmanā ātmānam yaḥ evam veda.